У нашым дзіцячым садзе ёсць свой агарод, на якім выхаванцы знаёмяцца са спецыфікай пасадкі і вырошчвання агароднінных культур, прымаюць пасільны ўдзел у вырошчванні гародніны: праполка, рыхленне глебы, паліў раслін. 

Вось і сёння дзеці дапамагалі выхавальніку праполваць градкі; назіралі за ўраджаем, які вырашчаны сваімі рукамі. Сёлета на агародзе растуць фасоля, цыбуля, буракі, агуркі, бульба... Але самым прывабным і цікавым для выхаванцаў аказаўся кабачок.

         Для чаго патрэбен агарод ў дзіцячым садзе?

• Агарод у дзіцячым садзе патрэбен для таго, каб знаёміць дашкольнікаў з прыродай і яе сезоннымі зменамі.
• Пасільная праца дзяцей на агародзе аказвае ўплыў на фарміраванне элементарных экалагічных уяўленняў у дашкольнікаў.
• Агарод у дзіцячым садзе - гэта  яшчэ і магчымасць бачыць вынікі сваёй працы. Супольная праца на агародзе дае магчымасць навучыцца адказнасці, спрыяе фарміраванню працоўных навыкаў і аб'яднанню дзіцячага калектыву.
• І, канешне, агарод у дзіцячым садзе, праца на свежым паветры спрыяюць захаванню і ўмацаванню здароўя дзяцей!