У Дзень жаночы такі прыгожы
Дасылаем мы віншаванне
Вам, шаноўныя, вам, харошыя,
Хай збываюцца пажаданні:
Каб было ў вашых сэрцах светла,
Не пакіне няхай здароўе,
Усё жыццё будзе поўным букетам
3 кветак шчасця, дабра і любові!

Сёння, 7 сакавіка, у нашым дзіцячым садзе адбыліся ранішнікі, прысвечаныя Міжнароднаму жаночаму дню 8 Сакавіка. Спачатку меншыя выхаванцы чыталі вершы, спявалі песні для самых дарагіх на свеце людзей, танцавалі на свяце "Мая мама - сонейка!". 

Затым адбылося свята"Кветкі для любай мамачкі" ў старшай групе. Тут сапраўды было шмат кветак, песень пра вясну, мам, бабуль. Выхаванцы ладзілі цікавыя сцэнкі, а таксама сустракалі гасцей. Да іх прыходзіла прыгажуня Вясна і непаслухмяны хлопчык, які даваў дзецям дрэнныя парады.

А дома кожны выхаванец абдыме сваю матулю, пацалуе і падорыць падарунак, зроблены сваімі рукамі!