Дзяржаўная ўстанова адукацыі "Любанскі дзіцячы сад" быў пабудаваны і пачаў працаваць у далёкiм 1971 годзе.  Будынак быў разлічаны на 80 дзіцячых месцаў. Колькасць груп-4. Першым загадчыкам Любанскага дзицячага сада была Траскунова Яўгенiя Iванаўнаўна. Спачатку дзіцячы сад знаходзіўся на балансе саўгаса "Любань iмя 50-годдзя СССР". Потым заснавальнікам быў Любанскі сельскі савет. З 1990 года дашкольная ўстанова была перададзена ў вядзенне аддзела адукацыі Вілейскага райвыканкама. Сардэчнасць, ветлівасць, любоў да дзяцей, высокі прафесіяналізм – гэта тыя адметныя рысы, якія заўсёды прысутнічалі ў дзіцячым садзе. З 1988 года па 2016 год загадчыкам працавала Багдановiч Альберцiна Казіміраўна. За час існавання дзіцячым садам кіравалі вопытныя выдатныя педагогі.

ДЗІЦЯЧЫ САД СЁННЯ

Установа працуе ў рэжыме 5-дзённага працоўнага тыдня з 8.30. да 18.00. У садзе функцыянуюць 2 групы. Узначальвае ўстанову дашкольнай адукацыі загадчык Сiльвановiч Алена Вячаславаўна.

Сёння Любанскі дзіцячы сад - гэта  сучасная ўстанова дашкольнай адукацыі, у якой створаны ўсе неабходныя ўмовы для камфортнага і бяспечнага знаходжання выхаванцаў. Кожную раніцу ў групах з цеплынёй і любоўю сустракаюць дзяцей клапатлівыя выхавальнікі з іх надзейнымі памочнікамі. Штодня дзетак чакаюць цікавыя заняткі, прагулкі, экскурсіі, святы і многае іншае. Тут маленькі чалавечак акунецца ў свет казак, прыгод, вясёлых гульняў, навучыцца берагчы здароўе і ўмацуе яго на фізкультурных занятках, ранішняй гімнастыцы, спартыўнай пляцоўцы…